ﻳﻮﻣﻴﺎﺕ ﻋﻠﻮﺏ 67... !!... ﺍﻧﻘﻼﺏ ﺣﻠﺘﻨﺎ ( ﺍﻟﻨﻤﻮﺫﺝ ﺍﻟﺘﺮﻛﻲ )

تقييم المستخدم: 0 / 5

تعطيل النجومتعطيل النجومتعطيل النجومتعطيل النجومتعطيل النجوم
 

ﻳﻮﻣﻴﺎﺕ ﻋﻠﻮﺏ 67... !!... ﺍﻧﻘﻼﺏ ﺣﻠﺘﻨﺎ ( ﺍﻟﻨﻤﻮﺫﺝ ﺍﻟﺘﺮﻛﻲ )

ﻏﺎﻳﺘﻮ ﺍﻟﺰﻭﻝ ﻟﻤﺎ ﻳﻜﻮﻥ ﻓﺎﻛﻴﻬﺎ ﻓﻲ ﺭﻭﺣﻮ !!.. ﻭﻳﺎﺩﻧﻴﺎ ﻣﺎﻓﻴﻚ ﺍﻻ ﺍﻧﺎ !!...ﺣﺎﻟﺘﻮ ﺑﺘﻜﻮﻥ ﺻﻌﺒﻪ !!!.... ﺍﻫﺎ ﺑﺲ ﺩﻩ ﻳﺎﻫﻮ ﻛﻤﺎﻝ ﺟﺎﺭﻧﺎ ﻓﻲ ﺍﻟﺤﻠﺔ ﺩﻱ!!!...ﺍﻟﺰﻭﻝ ﺩﻩ ﺷﻐﺎﻝ ﻣﺪﻳﺮ ﻭﺍﺣﺪ ﻣﻦ ﺍﻟﺒﻨﻮﻙ ﺍﻟﻜﺘﺎﺭ ﺩﻳﻞ ﺍﻟﺘﻘﻮﻝ ﻧﺤﻦ ﻓﻲ(ﺳﻨﻐﺎﻓﻮﺭﺓ ) !!!.... ﻭﺍﻟﺤﻘﻴﻘﻪ ﻫﻮ ﻣﺶ ﻣﺪﻳﺮ ﺍﻟﺒﻨﻚ ﺍﻟﻜﺒﻴﺮ ﺫﺍﺗﻮ !!!...ﻣﺪﻳﺮ ( ﻭﻟﺪﻭ ) !!!.. ﻳﻌﻨﻲ ﻓﺮﻉ ﻛﺪﻩ !!!.. ﻟﻜﻦ ﺑﺎﻟﻠﻪ ﺍﻟﺤﻖ ﺗﺤﻠﻒ ﺗﻘﻮﻝﻣﺪﻳﺮ ( ﺍﻟﺒﻨﻚ ﺍﻟﺪﻭﻟﻲ )
ﺃﺻﻼ ﻭﻻ ﺷﺎﻳﻒ ﺯﻭﻝ !!... ﻭﻛﺎﻥ ﺳﻠﻤﺘﺎ ﻋﻠﻴﻬﻮ ﺍﺣﺘﻤﺎﻝ ﻛﺒﻴﺮ ﻣﺎﻳﺮﺩ !!!..
ﻭﻋﻨﺪﻭ ﺍﺣﺴﺎﺱ ﻛﺪﻩ ﺍﻧﻮ ﻫﻮ ﺍﻟﻤﺴﺆﻭﻝ ﻋﻦ ﺍﻻﻗﺘﺼﺎﺩ ﺍﻟﺴﻮﺩﺍﻧﻲ ..ﺣﺘﻲ ﻟﻮﺟﺎﺑﺘﻮ ﻣﻨﺎﺳﺒﺔ ﻓﻲ ﺍﻟﺤﻠﻪ ﺑﺠﻲ ﺩﺍﺧﻞ ﻓﻲ ﺍﻟﺸﺨﺼﻴﺔ ... ﻭﻻﺯﻡ ﻳﻨﻔﺤﻨﺎ ﺑﻲﻭﺍﺣﺪ ﻣﻦ ﺍﻟﺘﻌﻠﻴﻘﺎﺕ ( ﺍﻟﺴﻤﺠﻪ ) ﺩﻳﻚ !!!.. ﻳﻌﻨﻲ ﺍﺧﺮ ﻣﺮﻩ ﻓﻲ ﺑﻴﺖ ﺑﻜﺎﻛﺪﻩ ....ﻭﺍﻟﻨﺎﺱ ﻣﺪﻭﺭﻳﻦ ﻓﻲ ﺍﻟﻐﻼ !!.. ﻭﺍﻟﻤﻌﻴﺸﺔ ﻭﺣﺎﻟﺔ ﺍﻟﺒﻠﺪ ... ﻗﺎﻝﺍﺑﺪﺍ !!... ﺍﻟﻤﺸﻜﻠﻪ ﻣﺎ ﻓﻲ ﺍﻻﻗﺘﺼﺎﺩ !!!... ﺍﻟﻤﺸﻜﻠﺔ ﺍﻧﻮ ﺍﻟﻨﺎﺱ ﺫﺍﺗﺎ ﻣﺎﻋﺎﻳﺰﺍﺗﺸﺘﻐﻞ !!...؟؟ ..ﻳﺎﺳﻼﺍﺍﻡ .... ﺍﻟﺼﻔﻘﻪ ﻟﻲ ﻛﻤﺎﻝ !!!... .... (ﻳﺎﺯﻭﻝﻣﺎﺗﺘﻄﻤﺎ !!..
ﺍﻫﺎ ﺩﻩ ﻳﺎﻫﻮ ﻛﻤﺎﻝ !!!... ﺍﻟﻤﻬﻢ ﺍﻧﻮ ﺍﻟﻮﺟﻴﻪ ﻛﻤﺎﻝ ﺫﻱ ﻋﻨﺪﻭ ﻧﻴﻪ ﻳﻌﺮﺱ
ﻓﻲ ﻣﺮﺗﻮ ﻭﻫﻲ ﺍﺻﻼ ﻗﺮﻳﺒﺘﻮ !!... ﺍﺳﻤﻬﺎ ( ﺇﻗﺒﺎﻝ ) ﻭﻳﺎﻫﺎ ﺫﻱ ﺭﺍﺟﻼ ﺩﻩﺭﺍﻓﻌﺔ ﺍﻟﻘﺰﺍﺯ !!... ﻭﻣﻜﺒﺮﺍ ﺍﻟﻠﻔﺔ !!.. ﻭﺍﻟﻜﻼﻡ ﻛﻠﻮ !!... ﻛﻤﺎﻝ ﺍﺳﺘﺸﺎﺭﻭﻫﻮﻓﻲ ﺍﻟﻤﻴﺰﺍﻧﻴﺔ !!!.... ﻭﻛﻤﺎﻝ ﻓﻲ ﻟﺠﻨﺔ ﺍﻟﺴﻴﺎﺳﺎﺕ !!!... ﻭﻧﺎﺱ ﻛﻤﺎﻝﻣﺎﺷﻴﻦ ﻣﺆﺗﻤﺮ ﺍﻟﻤﺼﺎﺭﻑ ﻓﻲ ﺑﻴﺮﻭﺕ !!... ﺑﺲ ﺩﻱ ﻳﺎﻫﺎ ﺍﻟﻮﻧﺴﻪ !!...
ﻭﻧﺴﻮﺍﻥ ﺍﻟﺤﻠﺔ ﻃﺒﻌﺎ ﻧﻮﻉ ﺍﻟﻜﻼﻡ ﺩﻩ ﻣﺎﺑﻨﻔﻊ ﻣﻌﺎﻫﻢ ﻭﺑﺮﻓﻊ ﺿﻐﻄﻢ !!!...
ﺗﻘﻮﻣﻲ ﻳﺎﻟﻤﺨﺎﺑﺮﺍﺕ ﺍﻟﺘﺮﻛﻴﻪ ﻧﺎﺱ (ﻓﻮﺯﻳﻪ ﻭﺍﻟﺮﺿﻴﻪ ) ﺭﺻﺪﻭ ﺑﻌﺾﺍﻟﻤﻌﻠﻮﻣﺎﺕ ﻋﻦ ﺗﻮﺟﻪ ﻛﻤﺎﻝ ﻧﺤﻮ ﺇﻧﺠﺎﺯ ﺯﻳﺠﺔ ﺟﺪﻳﺪﺓ ...ﻭﺍﻧﻮ ﻓﻲ ﺑﺖ ﺳﺎﻛﻨﻪﻓﻲ (ﺍﻟﻤﻬﻨﺪﺳﻴﻦ ) ﺷﻐﺎﻟﻪ ﻣﻊ ﻧﺎﺱ ﻛﻤﺎﻝ ﺩﻳﻞ ﻓﻲ ﺍﻟﺒﻨﻚ ﻫﻲ ﺍﻟﻬﺪﻑ!!... ﻭﺍﻟﺒﺖ ﺍﺳﻤﻬﺎ ( ﺍﺑﺘﻬﺎﺝ ) ... (ﻭﺍﻟﻠﻪ ﺗﺘﺎﺑﻌﻲ ﻛﻤﺎﻝ ﺩﻩ !!... ﻗﺪﺭﺑﻬﺠﺘﻚ ﺩﻱ ﻳﺸﻴﻼ !!... ) ﺍﻟﻤﻬﻢ ﻫﻲ ﺫﺍﺗﺎ ﺑﺖ ﺻﻐﻴﺮﻩ ﻛﺪﻩ ﻭﺧﺮﻳﺠﻪ ﺟﺪﻳﺪﺓﻭﻗﺎﻟﻮ ﺟﺎﺕ ﺑﺲ ﺗﺘﺪﺭﺏ !!!... ﻃﻮﺍﻟﻲ ﻣﻠﻚ ﺍﻻﻗﺘﺼﺎﺩ ﺩﻩ ﻗﺎﻡ ﺷﻐﻼ ﺑﻨﺎﺀﻋﻠﻲ ﺍﻟﺨﺒﺮﺓ .... ( ﺍﻻ ﻳﻜﻮﻥ ﺣﺴﺐ ﻟﻴﻬﺎ ﺳﻨﻴﻦ ﺍﻟﺠﺎﻣﻌﺔ ) !!...ﺍﻫﺎ ﻣﻊ ﺍﻟﺴﻴﺮﺓ (ﺍﻟﻌﻈﻴﻤﺔ ) ﻟﻜﻤﺎﻝ ﻭﻣﺮﺗﻮ ﻓﻲ ﺍﻟﺤﻠﺔ ..... ﺍﺯﺩﺍﺩﺕ ﺣﺪﺓﺍﻟﺘﺤﺮﻳﺎﺕ ﻭﺗﺤﻠﻴﻞ ﺍﻟﺒﻴﺎﻧﺎﺕ ﻭﺭﺻﺪ ﺍﻟﺘﺤﺮﻙ ﻭﺍﻟﺘﺄﻛﺪ ﻣﻦ ﺻﺤﺔ ﺍﻟﻤﻌﻠﻮﻣﺎﺕﺣﺘﻲ ﻭﺻﻠﺖ ﺍﻟﺬﺭﻭﺓ ﻭﺗﻢ ﺍﺧﺘﺮﺍﻕ ﺍﻟﻬﺪﻑ ﻧﻔﺴﻮ ﻻﻧﻮ ﺃﻫﻞ ﻧﺎﺱ ( ﺍﻟﺮﺿﻴﺔ )ﻃﻠﻌﻮﺍ ﺟﻴﺮﺍﻥ ﻧﺎﺱ ﺍﺑﺘﻬﺎﺝ ﻓﻲ (ﺍﻟﻤﻬﻨﺪﺳﻴﻦ ) !.. ( ﻏﺎﻳﺘﻮ ﺍﻟﺨﺮﻃﻮﻡ ﺩﻱﻣﺎﻓﻴﻬﺎ ﺍﻧﻘﻼﺏ ﺑﻨﺠﺢ !!... )
ﻭﺑﺎﻟﻔﻌﻞ ﺗﻢ ﺗﺄﻛﻴﺪ ﺍﻟﺨﺒﺮ !!.. ﻭﺍﻧﻮ ﻛﻤﺎﻝ ﻋﺎﻳﺰ ﺍﻟﻤﻮﺿﻮﻉ ﺩﻩ ﺑﺘﻢ ﻓﻲ ﺳﺮﻳﺔ
.... ﻭﺑﻌﺪ ﺩﺍﻙ ﻳﺤﻠﻬﺎ ﺍﻟﺤﻼﻝ .... ( ﻭﺇﻗﺒﺎﻝ ) ﻣﺮﺗﻮ ﺗﺒﻘﻲ ﺍﻣﺎﻡ ﺍﻻﻣﺮ ﺍﻟﻮﺍﻗﻊ!!...ﻭﺑﺪﺍﺕ ﺗﺮﺗﻴﺒﺎﺕ ﺍﻻﻧﻘﻼﺏ ﺍﻟﻤﻀﺎﺩ ﻓﻲ ﺍﻟﺤﻠﺔ !!.. ﻭﺣﺪﺙ ﺍﻧﻘﺴﺎﻡ !!!...ﻓﺮﻳﻖ ﻋﺎﻳﺰ ﺍﻟﻘﺼﺔ ﺩﻱ ﺗﺘﻢ (ﻛﻴﺘﻦ ) ﻓﻲ ( ﺍﻗﺒﺎﻝ ) ﺍﻟﺮﺍﻓﻌﺎ ﻧﺨﺮﺗﺎ !!!..ﻭﻓﺮﻳﻖ ﺍﺧﺮ ﻋﺎﻳﺰﺍ ﺗﻄﺮﺷﻖ ﻋﺸﺎﻥ ﻛﻤﺎﻝ ﺍﻟﺸﺎﻳﻒ ﺭﻭﺣﻮ !!..... ﺧﻴﺎﺭﺍﻥﺍﺣﻼﻫﻤﺎ ﻣﺮ !!.. ﻭﻛﺎﻥ ﻻﺑﺪ ﻣﻦ ﺍﺗﺨﺎﺫ ﻗﺮﺍﺭ !!!.. ﺍﻧﺘﺼﺮﺕ ﻭﺟﻬﺔً ﺍﻟﻨﻈﺮﺍﻟﺘﺎﻧﻴﻪ !!.... ﻭﺗﻘﺮﺭ ( ﺍﺣﺒﺎﻁ ﺍﻻﻧﻘﻼﺏ (!..ﺍﻧﺎ ﻃﺒﻌﺎ ﺍﻟﻘﺼﺔ ﺩﻱ ﻛﻠﻬﺎ ﺟﺎﺑﻮﻫﺎ ﻟﻲ ﻧﺎﺱ ﻣﺸﺎﻋﺮ ... ﺩﻳﻞ ﻃﺒﻌﺎ ( ﺍﻟﺨﻼﻳﺎﺍﻟﻨﺎﻳﻤﻪ ) ... ﺭﻏﻢ ﺍﻧﻮﺍﻹﻋﺪﺍﺩ ﻛﻠﻮ ﻭﺍﻟﺘﻔﺎﺻﻴﻞ ﻣﺎﺳﻜﺎﺗﻨﻬﺎ ﺍﻟﺠﻨﺮﺍﻻﺕ ﺍﻟﻜﺒﺎﺭ... ﻧﺎﺱ ( ﺍﻟﺮﺿﻴﺔ ) (ﻭﻓﻮﺯﻳﻪ ) ﻭﻓﺮﻕ ﺍﻟﻌﻤﻠﻴﺎﺕ ﺩﻳﻞ !!..ﻗﻠﺘﺎ ﻟﻲ ﻣﺸﺎﻋﺮ ﻭﻫﻢ ﻟﻴﻪ ﻋﺎﻳﺰﻳﻦ ﻳﻌﻤﻠﻮ ﻛﺪﺍ !!....؟ ﻗﺎﻟﺖ ﻟﻲ ﻋﺸﺎﻥﻳﻀﺮﺑﻮ ﻋﺼﻔﻮﺭﻳﻦ ﺑﻲ ﺣﺠﺮ ﻭﺍﺣﺪ !!.. ﺍﻭﻝ ﺣﺎﺟﻪ ﻫﻦ ﺍﺻﻠﻦ ﻋﻨﺪﻫﻦ ﺭﺍﻱ
ﻓﻲ (ﻛﻤﺎﻝ ) ... ﻭﻣﺮﻩ ﻭﺻﻠﻦ ﺗﻌﻠﻴﻖ ﺍﻧﻮ ﻗﺎﻝ ... ( ﻧﺴﻮﺍﻥ ﺍﻟﺤﻠﺔ ﺩﻳﻞ ﻏﻴﺮ
ﻣﻨﺘﺠﺎﺕ !!!.. ﻭﻣﺎﻋﻨﺪﻫﻦ ﺷﻐﻠﻪ ﻏﻴﺮ ﺍﻟﻮﻧﺴﻪ ﻭﺍﻟﻘﻬﻮﺓ !!!... ) ﺍﻫﺎ ﺩﻱﻣﺎﻧﺴﻮﻫﺎ ﻟﻴﻬﻮ ... ، !!ﻭﺍﻟﺴﺒﺐ ﺍﻟﺘﺎﻧﻲ ﻭﺍﻷﻫﻢ !!.. ﺍﻧﻮ ﻗﺼﺔ ﺍﻟﺘﻌﺪﺩ ﺩﻱﺍﺻﻠﻦ ﺑﺘﺰﻋﺠﻦ ﻛﻔﻜﺮﻩ ... ﻟﺬﻟﻚ ﺗﺠﺎﻭﺯﻭ ( ﺇﻗﺒﺎﻝ ) ﻣﻦ ﺍﺟﻞ ﺍﻟﻬﺪﻑ ﺍﻷﻛﺒﺮﻭﺍﻷﺳﻤﻲ !!!...ﻭﺍﻧﻮ ﺍﺣﺒﺎﻁ ﺍﻟﻤﺤﺎﻭﻟﻪ ﺑﺎﻟﻨﺴﺒﺔ ﻟﻴﻬﻦ ﺃﺑﺴﻂ ﻣﻦ ﺷﺮﺍﺏ ﺍﻟﻤﻮﻳﻪ !!... ﻭﻫﻮﻓﻘﻂ ﺗﻤﻠﻴﻚ ﺍﻟﻤﻌﻠﻮﻣﺔ ﻟﻲ ( ﺇﻗﺒﺎﻝ ) ﻭﺍﻻﻧﺴﺤﺎﺏ ﺍﻟﺘﻜﺘﻴﻜﻲ ...ﻭﺑﻌﺪ ﺩﺍﻙ ﺑﺘﻜﻮﻥ ﺍﻟﻤﻌﺮﻛﺔ ﻣﻌﺮﻛﺘﺎ !!.. ﻭﻫﻦ ﻋﺎﺭﻓﺎﺕﺑﺘﺤﺴﻤﺎ ﻛﻴﻒ !!!...(ﺍﺑﻠﻴﺲ ﻳﺘﺎﺑﻊ ﺑﺈﻋﺠﺎﺏ )
ﺑﻘﺖ ﺍﻟﻤﺸﻜﻠﺔ ﺍﻟﻜﺒﻴﺮﺓ ﺍﻧﻮ ﻛﻴﻒ ﻳﻮﺻﻠﻮ ﻟﻴﻬﺎ ﺍﻟﺨﺒﺮ !!..ﻭﺑﺎﻗﻞ ﺍﻟﺨﺴﺎﺋﺮ
ﺍﻟﻤﺎﺩﻳﻪ !!.. ﻭﺩﻭﻥ ﻭﻗﻮﻉ ﺿﺤﺎﻳﺎ !!...؟؟ﻃﻮﺍﻟﻲ ﺟﺎﺕ ﻓﻲ ﺑﺎﻟﻢ ( ﺍﻣﻮﻧﺔ ﺍﻟﺸﻴﻄﻮﻧﻪ .. ) ﻗﺎﻟﻮ ﺑﺴﺲ ﻣﺎﻓﻲ(ﺍﻧﺘﺤﺎﺭﻳﺔ ) ﻏﻴﺮﺍ ﻣﻤﻜﻦ ﺗﻨﻔﺬ ﻫﺬﺍ ﺍﻟﻤﺨﻄﻂﻭﺑﻘﻲ ﺍﻟﺴﺆﺍﻝ !!..؟؟ ﻣﻨﻮ ﺍﻟﺒﻜﻠﻢ (ﺃﻣﻮﻧﻪ ) ﺫﺍﺗﺎ !!!.. ﻻﻧﻮ ( ﺃﻣﻮﻧﻪ ) ﻣﻦﻏﻴﺮ ﺗﺤﻘﻴﻖ ﺣﺘﻔﺘﻮ !!!... ﻣﺎﺑﺎﻟﻚ ﺍﺫﺍ ﺍﻟﻘﺼﺔ ﺍﺗﻄﻮﺭﺕ ﻭﺟﺎﺑﺖ ﻟﻴﻬﺎ ﺗﺤﻘﻴﻘﺎﺕ!!!...ﻭﻓﻲ ﺍﺟﺘﻤﺎﻉ ﺗﺸﺎﻭﺭﻱ ﺍﺟﻤﻌﻮﺍ ﺍﻧﻮ ( ﺃﻣﻮﻧﻪ ) ﻫﻲ ﺍﻟﺨﻴﺎﺭ ﺍﻻﻧﺴﺐﻭﺗﺒﺮﻋﺖ (ﺳﻨﻴﺔ ) (ﻣﺴﺎﻋﺪ ﻫﻴﺌﺔ ﺍﻷﺭﻛﺎﻥ ) ﺍﻧﻬﺎ ﻫﻲ ﺍﻟﺤﺘﻜﻠﻤﺎ ﻻﻧﻮ ﻗﺎﻟﺖﺍﺻﻼ ﺑﻌﺪ ﺩﺍﻙ ( ﺇﻗﺒﺎﻝ )ﺑﺘﻜﻮﻥ ﻣﺮﻛﺰﺍ ﻓﻲ ﻗﻀﻴﺘﺎ ﺍﻷﺳﺎﺳﻴﻪ ﻭﻣﺎﻓﺎﺿﻴﻪ ﻟﻤﻌﺎﺭﻙ ﺟﺎﻧﺒﻴﻪ!!!...... ﻭﻗﺪ ﻛﺎﻥ !!... ﻭﺟﺎﺀﺕ ﺳﺎﻋﺔ ﺍﻟﺼﻔﺮﺳﻨﻴﻪ ﻛﻠﻤﺖ ﺃﻣﻮﻧﻪ !!!...ﺃﻣﻮﻧﻪ ﻣﺎﺑﺎﺗﺖ ﺑﺎﻟﺨﺒﺮ !!... ﻟﻔﺤﺖ ﺗﻮﺑﺎ ﺍﻟﻤﻐﺮﺑﻴﺔ ﻭﻣﺸﺖ ﻟﻲ ( ﺇﻗﺒﺎﻝ ) ﻓﺘﺘﻮﻟﻴﻬﺎ ﺫﻱ ﻣﺎ ﺍﻟﻠﻪ ﺧﻠﻘﻮ ﻭﺟﺎﺕ ﺭﺍﺟﻌﺎ !!!...ﺍﻟﺴﺎﻋﺔ ﺗﺴﻌﺔ ﻛﻤﺎﻝ ﻛﺎﻥ ﻓﻲ ﺍﻟﺘﺤﻘﻴﻖ ﺍﻻﻧﻔﺮﺍﺩﻱ !!!..ﺗﺴﻌﺔ ﻭﻧﺺ ﻧﻜﺮ ﺍﻟﺘﻬﻤﺔ ﺟﻤﻠﺔ ﻭﺗﻔﺼﻴﻼ !!!...ﻋﺸﺮﻩ ﺻﺒﺎﺣﺎ ﺍﺑﺘﻬﺎﺝ ﺍﺗﺮﻓﺪﺕ ﻣﻦ ﺍﻟﺸﻐﻞ !!!... ﻓﻲ ﺃﺳﺮﻉ ﻋﻤﻠﻴﺔ ﺗﻮﻇﻴﻒﻭﺍﻧﻬﺎﺀ ﺧﺪﻣﺔ !!....(ﺳﻨﻴﻪ )ﻳﺎﻫﺎ ﺩﻳﻚ ﺗﺮﺟﻒ ﻻﻧﻬﺎ ﻣﺎ ﻣﺘﻮﻗﻌﺎ ﺍﺑﺪﺍ ﺍﻧﻮ (ﺍﺭﺩﻭﻏﺎﻥ ) ﺩﻱ ﺣﺘﺤﺴﻢﺍﻟﻘﺼﺔ ﻓﻲ ﻧﺺ ﺳﺎﻋﺔ!!!...ﻭﻛﻤﺎﻝ ﻋﺮﻑ ﺍﻟﻠﻪ ﻭﺍﺣﺪ ﻭﻣﻦ ﺍﻟﻴﻮﻡ ﺩﺍﻙ ﺑﺴﻠﻢ ﺣﺘﻲ ﻋﻠﻲ ﺷﻔﻊ ﺍﻟﺤﻠﻪ!!!!!...ﺍﻫﺎ ﻳﺎ ﺍﺑﻮﻛﻤﺎﻝ ﺧﻠﻴﻨﺎ ﻣﻦ ﺍﻟﺴﻴﺎﺳﺎﺕ ﺍﻻﻗﺘﺼﺎﺩﻳﺔ !!!..... ﺭﺃﻳﻚ ﺷﻨﻮ ﻓﻲﺍﻷﻣﻦ ﺍﻻﻗﺘﺼﺎﺩﻱ ﺩﻩ !!..؟؟

ﻫﺴﻪ ﻟﻮ ﻛﻨﺘﺎ ﺑﺘﺴﻠﻢ ﻋﻠﻲ ﻧﺎﺱ ﺍﻟﺤﻠﺔ ﺩﻳﻞ ﻣﺎﻛﻨﺘﺎ ﺫﻱ ﺍﻟﻮﻗﺖ ﺩﻩﻗﺎﺍﺍﺩﻝ ﻓﻲ ﻣﺎﻟﻴﺰﻳﺎ !!!... ( ﻭﺇﻗﺒﺎﻝ ) ﻗﺎﻳﻼﻙ ﻓﻲ ﻣﺆﺗﻤﺮ ﺍﻟﻤﺼﺎﺭﻑ ﻓﻲﺑﻴﺮﻭﺕ !!!...ﺩﺍﻳﺮ ﺗﺒﺘﻬﺞ ﻣﻊﺍﺑﺘﻬﺎﺝ ﻭﺍﻟﺠﻨﻴﻪ ﺯﻋﻼﻥ !!..؟؟ ﺩﻗﺴﺘﺎ !!.. ﻛﺎﻥ ﺗﺴﺄﻝ(ﺍﺭﺩﻭﻏﺎﻥ ) !!!....

comments

أضف تعليق


Sudanese Songs | اغانى سودانية

كراكاتير سودانى

توثيقات سودانية | تابعونا على اليوتيوب

 
Merken
Merken
Merken
Merken
Merken

مدن ومعالم سودانية

منوعات ثقافية

الشعر السودانى

اغانى وطنية

الصحة والتعليم

توثيقات سودانية

معلومات علمية

تاريخ السودان

متنوعات ثقافية